MUTAXASSIS MAVZUNI TUSHUNTIRADI
Sitora Musaeva, onkoginekolog.
Birinchi trimestrdagi tahlillar
Bu muddatgacha siz poliklinikada ro‘yxatdan o‘tishingiz, UTT tekshiruvidan o‘tishingiz va birinchi tahlillarni topshirishingiz kerak.
Birlamchi ko‘rikda
- Shifokor chanoqning tashqi o‘lchamlarini o‘lchab, mustaqil tug‘a olish-olmasligingizni aniqlaydi.
- Jinsiy infeksiyalarni aniqlash uchun floradan surtma olinadi.
- Har bir tashrifingiz davomida qon bosimingiz va yurak urish tezligingiz o‘lchanadi.
- UTT tekshiruvi o‘tkaziladi.
- Shifokor sizni stomatolog, otolaringolog, okulist, terapevt va kardiologga tibbiy ko‘rikka yuboradi.
Shuningdek, quyidagilarni topshirishingiz kerak
- Umumiy qon va siydik tahlili.
- Qon guruhini aniqlash uchun qon tahlili.
- Bakterial ekma uchun siydik («bakposev»).
- Glyukoza uchun qon tahlili.
- OIV, zaxm, B va C gepatitlariga qon tahlili.
- Biokimyoviy tahlil uchun qon.
Ro‘yxatni saqlab qo‘ying.