MUTAXASSIS JAVOB BERADI
Sitora Musaeva, onkoginekolog.
Homiladorlikda sistit
O‘QUVCHI SAVOLI
Men 6 haftalik homiladorman. Sistit bilan og‘riyapman, o‘tib ketmayapti. Maslahat bering: juda qiynalyapman, qichishish va achishish bor. Nima qilishim kerak?
Sistit nima
Sistit — bu qovuqning yallig‘lanishi.
Belgilari
Tez-tez og‘riqli siyish, qorinning pastki qismida og‘riq, loyqa siydik va achishish.
Nima qilish mumkin
- Ko‘p suyuqlik ichish — kuniga 1,5–2 litr (agar shishlar bo‘lmasa). Suv va choydan tashqari, klyukva va brusnikadan tayyorlangan morslar yoki sharbatlarni ichish mumkin.
- Qovuqni muntazam bo‘shatib turing — toqat qilmang!
- Qulay ichki kiyim kiyish va shaxsiy gigiyenaga rioya qilish.
Nima qilish mumkin emas
- Har qanday dori vositasini shifokorsiz qabul qilish.
- Qorin pastiga grelka qo‘yish, ayniqsa erta muddatlarda.
- Shifokor ruxsatisiz xalq tabobati vositalari, giyohlar va fitochoylardan foydalanish — ularning ko‘pchiligi homilador ayollarga taqiqlangan.
Muhim
O‘zboshimchalik bilan davolanish mumkin emas — asoratlar bo‘lishi mumkin!