Sitora Musaeva, onkoginekolog.
Bachadon tonusi — bu afsona
Homilador ayollarning yarmida kamida bir marta «bachadon tonusi» aniqlangani ma’lum.
Hayratlanarli bo‘lsa-da, «bachadon tonusi» degan tashxis aslida mavjud emas.
Tonus aslida nima
Bachadon – bu mushak. Har qanday mushak qisqarish xususiyatiga ega.
Bachadon qisqarganda, u qisqa vaqtga qattiq bo‘lib qoladi – aynan shu holat «tonus» deb ataladi.
Bachadonning qisqarishi organizmning tabiiy reaksiyasidir. Axir, olma kattaligidagi a’zo bir necha oy ichida tarvuz hajmigacha kattalashadi.
Bachadon quyidagi hollarda taranglashishi mumkin:
- jismoniy zo‘riqish: og‘ir yuk ko‘tarish, uzoq yurish, holatni o‘zgartirish;
- jinsiy aloqa yoki orgazm;
- stress va kuchli hissiyotlar.
- Bunda bola xavf ostida qolmaydi. U suyuqlik bilan o‘ralgan, suyuqlik esa siqilmaydi – u barcha harakat va qisqarishlarni yumshatadi.
Homiladorlikning 20-haftasidan keyin bunday tabiiy qisqarishlar «soxta to‘lg‘oqlar» yoki Brekston-Xiks to‘lg‘oqlari deb ataladi. Ular xavfli emas va tug‘ruqqa olib kelmaydi.
Shifokorga qachon murojaat qilish kerak:
- qorinning pastki qismida doimiy og‘riq yoki bosim;
- bachadonning bir xil vaqt oralig‘ida muntazam qisqarishi;
- har qanday rangdagi qonli ajralmalar: qizil, pushti, jigarrang;
- chaqaloqning juda kam yoki, aksincha, haddan tashqari faol harakatlari;
- umumiy ahvolning yomonlashuvi, holsizlik, bosh aylanishi.
Bunday hollarda, albatta, shifokorga xabar bering – u vaziyatni aniqlashtiradi.
Ushbu postni saqlab qo‘ying – u me’yoriy holatni xavotirli alomatlardan farqlashga yordam beradi.
Va albatta, uni «tonus» tashxisi qo‘yilgan dugonalaringiz bilan ulashing.